Feidhmíonn an CSO ag croílár éiceachóras sonraí náisiúnta níos leithne a bhraitheann ar rialachas éifeachtach, rochtain ar shonraí, agus úsáid sonraí chun cinntí a threorú agus luach poiblí a sholáthar. Neartóidh ról ceannaireachta an CSO san éiceachóras seo, atá leagtha amach i reachtaíocht náisiúnta agus Eorpach, scála agus réimse táirgeadh Staidrimh Oifigiúil trí na forbairtí a dtacaítear leo faoin Straitéis Sonraí seo.
Leagann an straitéis sonraí seo amach an chaoi a leanfaidh an CSO ag forbairt mar cheannaire iontaofa i gcóras sonraí na hÉireann, agus ag an am céanna a chinntiú go mbeidh Staidreamh Oifigiúil fós neamhspleách, ábhartha agus in ann freastal ar riachtanais sonraí an domhain atá ag athrú go tapa. Forbraíodh í bunaithe ar mheasúnú ar threochtaí inmheánacha agus seachtracha agus tugann sí mionsonraí ar Mhúnla Sonraí Náisiúnta nua atá deartha chun tacú le bonneagar sonraí náisiúnta níos éifeachtaí agus níos trédhearcaí a bhaineann leas as sonraí mar acmhainn náisiúnta. Tá an cur chuige chun é seo a bhaint amach bunaithe ar chroíluachanna agus ar phrionsabail an CSO agus leagann sé amach na príomhghníomhartha atá ag teastáil chun é seo a chur i bhfeidhm ar fud na Seirbhíse Sibhialta agus Poiblí.