Luachanna agus Prionsabail Threoracha
Tá luachanna an CSO, a maireann ár ndaoine dá réir, lárnach don chaoi a gcuirimid an straitéis seo i bhfeidhm:
Luachanna CSO
|
Neamhspleáchas
|
Táimid oibiachtúil, neamhchlaonta agus bímid ag feidhmiú le hionracas i gcónaí.
|
|
Iontaofacht
|
Táimid macánta agus trédhearcach. Cloímid le caighdeáin idirnáisiúnta staidrimh agus cuirimid táirgí agus seirbhísí ar ardchaighdeán ar fáil ar bhealach eiticiúil.
|
|
Barr Feabhais sa tSeirbhís Phoiblí
|
Úsáidimid ár saineolas chun seirbhís phoiblí atá éifeachtach, a thugann luach ar airgead agus atá ar ardchaighdeán a chur ar fáil.
|
|
Athrú a Threorú
|
Táimid uaillmhianach, nuálach, oiriúnaitheach agus oibrímid ar bhealach comhoibríoch chun próisis agus táirgí a fheabhsú. Tá caidreamh gníomhach againn lenár bpáirtithe leasmhara agus cabhraímid le daoine eile chun freastal ar an bpobal.
|
|
Rúndacht
|
Cuirimid na caighdeáin is airde rúndachta agus meas ar phríobháideachas sonraí i bhfeidhm.
|
Tacaíonn luachanna an CSO leis an Straitéis Sonraí, agus déanann siad eolas do na prionsabail threoracha a shainíonn ár gcur chuige maidir le ceannaireacht sonraí. Feidhmíonn na prionsabail seo i dtimpeallacht ina bhfuil éileamh atá ag méadú ar shonraí, Staidreamh Oifigiúil agus saineolas staidrimh, mar atá leagtha amach i Roinn VII, agus cuireann siad bonn faoi ghníomhartha agus aschuir na straitéise.
Prionsabail Treoracha na Straitéise Sonraí
|
Neamhspleáchas agus údarás
|
- Neartaíonn an straitéis seo ár neamhspleáchas. Is é an CSO an t-údarás fós ar Staidreamh Oifigiúil faoin Acht Staidrimh 1993.
- Baineann ár gceannaireacht san éiceachóras sonraí le húsáid fhreagrach a threorú. Leanaimid de na caighdeáin do cháilíocht staidrimh agus d’ionracas sonraí a leagan amach.
|
|
Ailíniú le Luachanna an CSO
|
- Seasann an CSO ar son muiníne, críochnúlachta agus neamhchlaontachta. Tapaíonn an straitéis seo forbairt obair an CSO ar fud an CPS níos leithne chun na tréithe seo a neartú.
|
|
An Fhoireann a Chumasú
|
- Cuirfidh an straitéis seo ar cumas ar bhfoirne oibriú níos cliste, le huirlisí níos fearr, struchtúir níos soiléire agus tacaíocht níos mó.
- Cabhróidh rannóga bunaithe ar théamaí agus Comhordaitheoirí Seirbhísí Sonraí le dúbláil a laghdú, comhoibriú a fheabhsú, agus le ligean don fhoireann díriú ar anailís ardluacha agus nuálaíocht chun léargas níos fearr a sholáthar do gach úsáideoir Staidrimh Oifigiúil.
|
|
Comhoibriú le meas ar theorainneacha
|
- Coinneoimid orainn ag comhoibriú le comhlachtaí eile CPS chun tacú le rochtain fheabhsaithe ar shonraí agus le húsáid sonraí, ach i gcónaí laistigh de chreat a chosnaíonn ról reachtúil an CSO agus rúndacht ár sonraí.
- Beidh comhpháirtíochtaí fós rialaithe ag comhaontuithe soiléire a shainíonn róil, freagrachtaí agus teorainneacha.
|
|
An CSO a ullmhú don todhchaí
|
- Éilíonn méid agus castacht sonraí cur chuige nua-aimseartha, freagrúil. Trí thógáil ar ár láidreachtaí, ullmhaíonn an straitéis seo an CSO don todhchaí, ag cinntiú go bhfanann muid ábhartha, seasmhach agus réidh chun dul i ngleic le dúshláin nua in obair Staidrimh Oifigiúil atá ag forbairt agus na sonraí atá mar bhonn faoi thorthaí agus seirbhísí an CSO.
- Feabhsaíonn an straitéis freisin an luach le bailiú sonraí príomhúla trí dhíriú ar ábhair ina bhféadfaidh sí an luach is mó a chur leis agus trí ualach freagróirí a laghdú trí chur chuige spriocdhírithe.
|
